Il-kors huwa maħsub biex joffri formazzjoni bażika lill-katekisti li fil-ministeru tagħhom, iservu lit-tfal u pre-adolexxenti b’diżabilita’. L-ewwelnett, permezz tal-kors, il-katekisti għandhom jakkwistaw għarfien bażiku tar-realtajiet differenti li jikkaratterizzaw diżabilitajiet diversi. Ma’ dan, il-katekisti jakkwistaw ukoll għarfien dwar kif huma għandhom jirrelataw ma’ dawn il-persuni u kif għandhom ikunu wkoll ta’ appoġġ għall-familji tagħhom. Dan huwa pass essenzjali biex il-ħidma kateketika fil-qasam, tgħin lil dawn it-tfal jagħmlu esperjenza ta’ fidi fi ħdan il-komunita’ ekkleżjali.
Dan ma’ jistax isir jekk ma jinkisibx għarfien rigward il-metodi u r-riżorsi addattati għall-ħidma kateketika ma’ dawn it-tfal u l-familji tagħhom. Il-kors għandu wkoll jiżgura li l-katekisti ikunu aktar sensibbli għall-bżonnijiet ta’ dawn il-persuni fejn tidħol l-animazzjoni tat-talb u ċ-ċelebrazzjoni tas-sagramenti.
Fl-aħħarnett, il-kors għandu jinkoraġġixxi, isaħħaħ u jifrex dejjem aktar il-prattiċi tajbin li sa issa diġa qegħdin jiġu mħaddma fil-ħidma kateketika madwar id-djoċesi.
- Katekisti u persuni oħra interessati fis-suġġett.
Target Audience Age: 18+
Il-kors ser isir is-Sibt mid-9:30am sa’ 12:00pm Ta’ Mlit.
| Data | Sessjoni |
|---|---|
| 25 ta’ Ottubru 2025 | L-għarfien tal-esperjenza tad-diżabilità fit-tfal u l-pre-adolexxenti |
| 10 ta’ Jannar 2026 | Kif nirrelataw mat-tfal u l-pre-adoloxxenti b’ diżabilità u kif insostnu lill-familji tagħhom |
| 21 ta’ Frar 2026 | L-edukazzjoni u l-animazzjoni tat-talb u l-liturġija għat-tfal u l-pre-adolexxenti b’diżabilità |
| 18 ta’ April 2026 | Riżorsi u Metodi fil-preparazzjoni għas-Sagramenti għat-tfal u l-pre-adoloxxenti b’diżabilità |
| 9 ta’ Mejju 2026 | Good practices fil-parroċċi fil-qasam tal-katekeżi mat-tfal u l-pre-adoloxxenti b’diżabilità |
Dan il-kors għandu żewġ għażliet ta’ ċertifikati:
1. Ċertifikat ta’ Attendenza
Sabiex tikseb Ċertifikat ta’ Attendenza, l-istudenti huma meħtieġa jattendu 80% tas-sessjonijiet tal-kors.
2. Ċertifikat ta’ Parteċipazzjoni
L-istudent jirċievi Ċertifikat ta’ Parteċipazzjoni meta (minbarra li jissodisfa l-kriterji ta’ attendenza ta’ hawn fuq) itemm b’suċċess valutazzjoni qasira online.
Lingwa: L-applikanti għandhom ikollom fehma tal-Malti u jkunu fluwenti fl-Ingliż.
Teknoloġija diġitali: L-applikanti huma meħtieġa li jkunu fluwenti fl-użu tad-dinja diġitali, inkluż li jkunu jafu kif jaċċessaw l-internet u jużaw office suites bħal Microsoft Word.
